ЌЕ ТРГНАТ ЛИ ПРВАЧИЊАТА НА УЧИЛИШТЕ? Слаѓана Трајкова, мастер логопед: Многу деца немаат говорно искуство за да се снајдат во голема група – НА ОВИЕ ДЕЦА ТРЕБА ДА ИМ СЕ ПОМОГНЕ

Има многу деца кои немаат т.н. групно искуство ниту пак можат да ја препознаат дразбата од заедничката игра и заедничката говорна соработка

Родителите треба да посветат голем дел од своето време, да им го посветат и да живеат со децата, да уживаат во моментите на заедничките учења и знаења затоа што тоа е вистинскиот начин на кој може да му подарат внимание, грижа и пред се љубов: Слаѓана Трајкова, дипл. логопед – дефектолог, мастер логопед
♦♦♦♦♦♦♦
Ставот на Комисијата за заразни болести изнесен вчера е наставата да почне да се одвива онлајн, освен во првите одделенија во коишто е неопходно физичко присуство на децата. Станува збор за стручен став кој треба да го поврди и Владата за истиот да стане конечен. Додека ја чекаме финалната одлука, да се осврнеме на подготовките коишто секое прваче го очекуваат пред почетокот на новата школска година. Како детето да се подготви за новото поглавје во неговиот живот и каква е улогата на родителите?

 

ПИШУВА:
Слаѓана Трајкова,
дипл. логопед – дефектолог, мастер логопед
ЈЗУ „Завод за рехабилитација на слух, говор и глас“ – Скопје

Должност на родителите е на своето дете му го претстават училиштето во вистинска смисла на зборот, за да не го залажуваат дека тоа е „рај“ само за играње и пеење.

Се советува со самото влегување во училницата да се пронајде некој „близок“ лик на кој првачето ќе може да се потпре

Со ова детето ќе им поверува, па понатаму во текот на училишниот процес може да се разочара, и ќе почне да пружа отпор и нема да сака да оди на училиште. Потребно е со убаво да му се објасни дека тоа е место во кое се учат нови работи кои ги нема сретнато во домашната средина, а истовремено ќе запознае нови другарчиња со кои се разговара за се па и за училишните задачи.

Некои странски експерти пишуваат дека времето за адаптација на првачињата треба да трае околу 3-4 дена и во училницата да се присутни мала група на деца, само по 5-6 ученици

Родителите се љубопитни и ќе сакаат да дознаат дали нивното дете – прваче е среќно од училиштето. Тие го потпрашуваат преку прашања, но се соочуваат со проблем дека детето не е во состојба да одговори на начин како што тие сакаат.

Просечно дете ќе научи нов збор со повторување од 12-15 пати, но дете со јазични проблеми за истиот збор му треба 40-100 пати повторување за да го научи

Како логопед со долгогодишно работно искуство можам да ги советувам родителите дека не треба да бидат загрижени за овие кратки и оскудни одговори. Тоа се јавува од причина што првачето уште не е толку подготвено за сложени јазични изразувања и нема навика да ги изразува своите емоции. Се советува со самото влегување во училницата да се пронајде некој „близок“ лик на кој првачето ќе може да се потпре. Да се пронајде дете – другарче кое ќе го познава од порано, или дете кое е со слична животна ситуација како него.

Некои странски експерти пишуваат дека времето за адаптација на првачињата треба да трае околу 3-4 дена и во училницата да се присутни мала група на деца, само по 5-6 ученици со цел да може првачето полесно да се справи во помала група на деца.

Како логопед рехабилитирајќи ги говорните проблеми сакам да укажам дека има многу деца кои немаат говорно искуство за да се снајдат во голема група – друштво и не знаат како да комуницираат во друштвото. Немаат т.н. групно искуство ниту пак можат да ја препознаат дразбата од заедничката игра и заедничката говорна соработка.

На овие деца треба да им се помогне, и не е потребно да се ставаат во ист кош.

На овие првачиња треба да им се помогне од повеќе аспекти, а најповеќе говорно да се поттикнуваат и стимулираат.

Просечно дете ќе научи нов збор со повторување од 12-15 пати , но дете со јазични проблеми за истиот збор му треба 40-100 пати повторување за да го научи.

  • Родителите треба да посветат голем дел од своето време, да им го посветат и да живеат со децата, да уживаат во моментите на заедничките учења и знаења затоа што тоа е вистинскиот начин на кој може да му подарат внимание, грижа и пред се љубов.

Љубов не е она што се кажува и да се разгалува, љубов е тоа што правиме за своите деца. Љубов како емоција може да победи и да надмине се. Кога се сакани и почитувани децата посигурно учат да чекорат, не само по училишните ходници туку со сигурност учат да чекорат по патеката наречена живот.

ПОВЕЌЕ СТРУЧНИ ТЕКСТОВИ ОД СЛАЃАНА ТРАЈКОВА
ПРОЧИТАЈТЕ НА СЛЕДНИОВ
ЛИНК