Кога бебето е здраво, добро напредува и вообичаено се однесува, не е потребно да се прави крвна слика во првите шест месеци од животот.
Потоа се извршува редовен систематски преглед, па педијатарот одредува дали е потребно да се направи и крвна анализа или не.
Околу шестиот месец се случува нормален (физиолошки) пад на хемоглобинот (што се нарекува физиолошка анемија), па повеќето педијатри го проверуваат нивото на хемоглобин, правејќи крвна слика на детето.
Ако бебето има клинички знаци на анемија (слабокрвност), анализата на крвната слика е задолжителна, а ако не,а не мора да се прави ниту во шестиот месец.
Сосема поинаква е ситуацијата кога бебето ќе се разболи. Тогаш крвна слика се прави во дијагностички цели, за да му помогне на педијатарот во поставувањето дијагноза и во одредувањето на евентуална терапија.
