Обезноста меѓу децата е во пораст во поголем дел на светот, а причините за тоа се различни – меѓу другото, тука се недостатокот на физичка активност и достапност на брза храна. Експертите редовно предупредуваат на ова, наведувајќи дека дебелината има многу негативно влијание врз здравјето на децата, а професорот Александар Аметов, раководител на одделот за ендокринологија на Руската медицинска академија, открива која возраст на децата е најкритична кога станува збор за развој на обезност – ќе се изненадите.
“Метаболичкото програмирање на сите функции, органи и системи започнува многу порано – додека бебето се уште е во утробата. Поради оваа причина, идните мајки треба да ја планираат својата бременост, да се грижат за своето здравје и исхрана за време на бременоста. Истражувањата покажале дека децата родени со прекумерна тежина (тежат повеќе од 4,5 килограми) или премногу мали (помалку од 2,5 килограми) имаат седум до десет пати поголем ризик да бидат обезни. А прекумерната тежина, од друга страна, придонесува за развој на кардиоваскуларни и онколошки заболувања, дијабетес тип 2, артроза, тромбоза, гихт, неплодност…“
Докторот нагласува и дека поради обезноста се развива бавно системско хронично воспаление кое е поврзано со микро и макроваскуларни компликации како што е дијабетес мелитус.
И претходно сме знаеле дека исхраната во бременоста е многу важна за здравјето и на мајката и на бебето, а дополнителна причина за тоа се зборовите на д-р Аметов за обезноста.
