Млечни заби има вкупно 20. Тие со тек на време им отстапуваат место на трајните заби, кои ги има 32. Трајните заби доаѓаат на местото на млечните, а преостанатите се сместуваат во пределот на вилицата зад делот кои го завземале млечните заби.
Идеално би било кога млечните заби би останале во устата на детето до нивната смена, односно до периодот кога природно ќе се расклатат. Млечните заби почнуваат да се клатат оти нивниот корен се ресорбира и со самото тоа забите ви таква фаза многу лесно може да се извадат. Но, тоа не е секогаш случај.
Постојат состојби кога е неопходно млечните заби да се извадат пред нивната физиолошла смена. Доколку стоматологот процени дека не е можно да се лекува инфицираниот млечен заб, таквите заби е неопходно да се извади.
Ставот дека инфицираните заби треба да стојат во устата на детето за да чуваат простот за никнување на неговите трајни заби е погрешен. Доколку е неопходно, за таа цел може да се изработат специјални држачи на просторот, објаснуваат стоматолозите.
Кои се последиците на задржувањето на расипаните млечни заби во детската уста?
Инфицираниот нетретиран млечен заб може да предизвика голем број проблеми кај малото дете. Првенствено честата појава на болка кај детето е многу вознемирувачка и оневозможува негово нормално функционирање. Исто така, инфекцијата од млечниот заб може да се пренесе на коската и да го оштети местото на трајниот заб.
Честата појава на фистула или оток околу млечниот заб кој не може да се лекува е јасен показател на стоматологот дека таквиот млечен заб мора да се извади.
