Детето по шестиот месец од животот, по правило, не мора да добива храна во текот на ноќта, бидејчи апетитот и храната во текот на денот доволно го заситуваат. Кратките будења во текот на ноќта се нормални. Во идеален случај, бебето брзо, само ќе заспие.
Будењето може да го предизвикуваат различни причини
Имајте на ум дека будењето навечер може да има повеќе причини. Освен глад, жед и полна пелена, постојат фази како растење на забите, инфекции или бурен ден – во кои децата имаат поинаков образец на спиење: будење, гугање или можеби повторно желба за млеко (во шише или доење). Некои бебиња едноставно плачат кога им треба внимание или сакаат да се ослободат од некоја напнатост. За целоноќно спиење на бебето, за жал, не постојат граници. Често се случува дете кое почнало да спие цела ноќ, повторно да почне со будења навечер. Главно, тоа е само куса фаза која ќе помине.
ДНЕВНА РУТИНА
Важно е да се има постојани дневни рутини со оброци, дневно спиење и други активности, како прошетка. Ритуалот на спиење, храна, капење, приказна за добра ноќ или песничка, во мирно опкружување имаат смирувачки ефект на детето.
ТРПЕНИЕ
Не губете трпение. Вашето дете не може веднаш да почне редовно да спие. Не постои магичен рецепт! Не можете да управувате со сонот на детето. Она што можете е да му помогнете на бебето да развие ритам за здрави навики на спиење. Родителите со мали деца мора да прифатат дека нивниот сон е испрекинат почесто во првите 3 до 4 години од животот.
