Модриот патлиџан е богат со разни витамини и минерали. Тој е одличен извор на витамините: А, БЕ, Б3, Б6, Б9, Ц и К, како и минералите: калиум, калциум, фосфор, бакар и магнезиум. Исто така содржи и значајна количина на влакна, што го олеснува запекот кај бебињата.
Модриот патлиџан се воведува кога бебето ќе наполни 10 месеци.
Ако вашето бебе има проблеми со варењето, најдобро е да се воведе патлиџанот без лушпа. Ако бебето имало алергиска реакција на домат, пиперка или компир, веројатно ќе реагира и модриот патлиџан и обратно.
Запомнете, секогаш консултирајте се со својот педијатар за воведувањето нови намирници во исхраната на бебето.
Стеблото на модриот патлиџан треба да биде со изразено зелена боја, а внатрешноста со бела боја и неколку семки. Ако внатрешноста е зелена, патлиџанот не е зрел. При купување бирајте помали, но потешки за да ја намалите веројатноста тој да биде горчлив по подготовката. Горчината може да се намали, така што се сече модриот на коцки или кругови и се посолува. Тој потоа испушта кафена течност која треба да се измие пред термичката обработка.
