Ако сте биле надвор: во град, продавница, аптека или на работа, ви советуваме да го направите следново:
На јавни места носете хируршка маска и ракавици. Ако немате, доволно е да облечете зимски ракавици и да ставите марама преку носот и устата.
Избегнувајте контакти (ракување, гушкање) и потпирање на било која површина.
Кога ќе дојдете дома:
- Соблечете се пред врата
- Соблечете ги ракавиците (ако сте носеле за еднократна употреба веднаш фрлете ги во канта, додека ако сте носеле зимски веднаш исперете ги во машина за перење на 60 степени)
- Извадете ја маската (марамата се пере во машина)
- Соблечете ја облеката и ставете се во машина за перење, освен јакната
- Темелно измијте ги рацете и измијте го лицето
- Користете хартија за бришење или личен пешкир кој ќе го менувате еднаш дневно
- Чевлите, патиките дезинфицирајте ги (испрскајте) со средство за таа намена, или може пред врата да ставите плитко корито во кое ќе ставите млака вода и средство за дезинфекција.
- Потоа повторно измијте ги рацете.
НАПОМЕНА: Додека трае вирусот, најдобро е сите во семејството да имаат свој пешкир за раце и за лице, кои на крајот на денот ќе се менуваат. Добро е намирниците ои ги носите од продавница, како шише јогурт, млеко, сок да ги пребришете пред да ги ставите во фрижидер.
