Вештините кои детето ги развива во првите години од својот живот се неверојатни. Сепак, запомнете дека секое дете се развива поинаку, затоа не грижете ако вашето дете не може да направи се што е наведено во листата.
Боење и цртање. До сега, вашето дете веќе би требало да се снаоѓа со користењето на молив, боички или водени боички во цртањето и боењето. Тоа е пример за развој на фината моторика или со други зборови на координирани движења на коските, зглобовите и мускулите на дланката.
Разбирање на неколку инструкции одеднаш. На пример: “Стави ја книгата на полица, измиј ги рацете и седни на маса“. Дали детето ќе ги послуша инструкциите е друга работа, но важно е разбирањето.
Авантуристички дух. Вашето дете сега веќе скока, се качува и се лула, а до 5. година повеќето од децата може да стојат на една нога околу 10 секунди. Поттикнете го нивниот авантуристички дух на начин да минувате многу време на отворено: во парк, на игралиште, во двор.
Препознавање на буквите. Некои букви од азбуката веќе би требало да му бидат познати на детето, а многумина до својот петти роденден веќе знаат да си го напишат сопственото име.
Независност и самодоверба. Пред да тргне на училиште, детето веројатно покажува знаци на независност и самодоверба на начин да знае да се пресоблече, да користи прибор за јадење и да ги четка забите без помош од родителите.
Разбирање на формите и користење детски ножички. До сега детето треба да биде запознаено со некои форми и да биде во можност да прецрта триаголник, круг, квадрат и други форми, како и да исече некоја форма користејќи ножички за деца.
- Да вози велоспиед со помошни тркала
- Да си игра со топка
- Да го следи концептот на распоред, односно да ги нареди предметите од најмал до најголем, и да препознава големини
- Да го сфати концептот на делење играчки или книги со други деца и да разбере што значи да го чека својот ред
- Околу 5. година, повеќето деца знаат да бројат до 20, како и некои наједонставни собирања и одземања.
