♦ ♦ ♦ ♦ ♦ ♦ ♦
Коронавирусот се шири исклучително брзо низ целиот свет и моментално брои околу 42 милиони заболени луѓе ширум светот. Ако неодамна сте биле во контакт со личност позитивна на COVID-19 или не сте носеле маска во затворен простор, веројатно се сомневате дека и вие сте заразени. Оттука произлегува едно битно прашање: Колку долго по изложеноста на вирусот почнуваат да се појавуваат симптомите кај заразеното лице?
Според Светската здравствена организација (СЗО) „во просек се потребни 5 до 6 дена од заразата за да се покажат симптомите, но тоа може да потрае и до 14 дена“.
Постои можност и да сте асимптоматски носител, што значи дека го носите вирусот во вас и може да го пренесете на други луѓе дури и ако не покажувате симптоми
Пет до 14 дена е долг период да седите и да чекате да се појави треска, кашлица, отежнато дишење, губење на мирис или вкус или некои други симптоми на COVID-19. Сепак, по потенцијално изложување на вирусот, клучно е да бидете во самоизолација за да не заразите други лица.
Додека сте во карантин, не треба да се гледате со други луѓе, „бидејќи симптомите може да се појават во рок од 2 до 14 дена по изложувањето на вирусот, но може да бидете заразни дури и пред да се појават симптомите“, објаснува д-р Мајкл Ричардсон.
Дури и ако во тој период немате симптоми, сепак, се уште можете да го носите вирусот, па затоа избегнувајте ги пријателите, семејството и другите членови на домаќинството ако мислите дека сте биле изложени на вирусот. Ако не почувствувате симптоми за 5 до 14 дена, размислете за тестирање на COVID-19 за да ги отфрлите сите сомнежи. Постои можност и да сте асимптоматски носител, што значи дека го носите вирусот во вас и може да го пренесете на други луѓе дури и ако не покажувате симптоми.
Значи, ако мислите дека сте биле изложени на вирусот, изолирајте се 14 дена и потоа тестирајте се за да бидете сигурни. На тој начин, ќе се заштитите и себеси и вашите најблиски.
