♦♦♦♦♦♦♦
Маските за бебиња се опасни
Твитер го вклучи алармот за маски за многу мали деца во текот на викендот. Како одговор на реклама на „Амазон“ за маски за деца 0-3 години, педијатарот Алисон Смит, објави твит во кој вели:
„Овој производ може да биде смртоносен за бебињата и мора веднаш да се отстрани“, алармира докторката.
Д-р Смит и други корисници потенцираат дека и Центрите за контрола на болести и превенција (CDC) и Американската академија за педијатрија се строго против маските за мали деца, особено за бебиња, поради високиот ризик од задушување. Таа се пожалила во центарот за помош на „Амазон“ и се чини дека маските, заедно со слични производи, се отстранети од страницата. Сепак, маските за бебиња сè уште се достапни на бројни други веб-страници.
Заштитните маски за деца може да бидат примамливи за купување за родителите, особено затоа што има зголемување на извештаите за тешка гастроинтестинални тегоби и срцеви воспаленија кај педијатриски пациенти со коронавирус. Карактеристичните симптоми на COVID-19: кашлица, треска и останување без воздух се поретки кај децата отколку кај возрасните, според CDC. (Medscape)
