Американскиот центар за контрола на болести и превенција (CDC) ги предупредува родителите: Не ставајте маски на БЕБИЊАТА за време на пандемијата со коронавирус

„Ниту едно дете помало од две години не треба да носи маска поради ризикот од случајно задушување“, велат педијатрите

Малите деца (под 2 години) имаат многу мали дишни патишта и им недостасува сила за да можат да ја поместат маската доколку таа им пречи во дишењето

♦♦♦♦♦♦♦

Додека на пошироката јавност им се советува да носат маска или да го покријат лицето кога излегуваат надвор со цел да се спречи ширење на инфекцијата, педијатрите велат дека тоа може да биде штетно за бебињата

Американскиот центар за контрола на болести и превенција (CDC) ги предупреди родителите да не ставаат маски на бебиња за време на пандемија на коронавирус, бидејќи тоа може да ги задуши.

Центарот за контрола и превенција на болести (CDC) објаснува дека новороденчињата имаат толку мали дишни патишта што маската може да им направи повеќе штета отколку добро, а лекарите предупредуваат на задушување.

„Ниту едно дете помало од две години не треба да носи маска поради ризикот од случајно задушување“, изјави д-р Мајк Капело, неонатологот во Advocate Children’s Hospital Park Ridge во Илиноис, за „Фокс 5 њуз“.

Д-р Мајк Капело, неонатолог

„Децата кои се толку млади имаат многу мали дишни патишта и им недостасува сила за да можат да ја поместат маската доколку таа им пречи во дишењето. Големината на дишните патишта и ризикот од ограничување на испораката на кислород до нивните бели дробови и органи е многу сигнификантно“.

На вебстраницата на CDC се вели дека „маски за лице од ткаенина не треба да се ставаат на деца помали од две години, на секој којшто има проблеми со дишењето, или е во несвест, неспособен или на друг начин не е во можност да ја отстрани маската без помош“. (Дејли мејл)