КОРОНАВИРУС ДЕН ПО ДЕН: Како напредуваат симптомите на COVID-19 и прогресира болеста

Меѓу пациентите кои развиваат симптоми, треската и кашлицата обично се јавуваат први, а често се придружени со болки во грлото, главоболка, болки во мускулите, гадење или дијареја (иако во некои потешки случаи, гастроинтестиналните проблеми може да се појават порано во текот на инфекцијата), пренесува „Science Alert“

Американскиот Центар за контрола и превенција на болести (CDC) наведува дека дури 40 проценти од случаите на коронавирус се асимптоматски носители, а 20 проценти од симптоматските случаи развиваат сериозна клиничка слика
Но, само затоа што пациентот ја напуштил болницата не значи дека неговата борба со COVID-19 е завршена. Имено, некои луѓе кои го надминале COVID-19 велат дека имаат симптоми на коронавирус со месеци, вклучувајќи болка во градите, отежнато дишење, гадење, срцеви палпитации и губење на вкус и мирис

Додека лекарите набљудуваат се поголем број на пациенти кои страдаат од коронавирус, тие идентификуваа како се појавуваат симптомите и како напредуваат со текот на деновите.

Американскиот Центар за контрола и превенција на болести (CDC) наведува дека дури 40 проценти од случаите на коронавирус се асимптоматски носители, а 20 проценти од симптоматските случаи развиваат сериозна клиничка слика.

Меѓу пациентите кои развиваат симптоми, треската и кашлицата обично се јавуваат први, а често се придружени со болки во грлото, главоболка, болки во мускулите, гадење или дијареја (иако во некои потешки случаи, гастроинтестиналните проблеми може да се појават порано во текот на инфекцијата), пренесува Science Alert.

Заболените може да имаат и потешкотии со дишењето пет дена по појавата на симптомите. Но, симптомите обично не се појавуваат веднаш откако лицето е заразено. Средниот период на инкубација на вирусот е околу четири до пет дена, според CDC.

За тоа време, заразеното лице веројатно нема да знае дека е болно, но вирусот може да се шири понатаму и во текот на пресимптоматската фаза.

Симптомите обично не се појавуваат веднаш откако лицето е заразено. Средниот период на инкубација на вирусот е околу четири до пет дена, според CDC
Симптоми од ден во ден

По истражувањето на илјадници пациенти во Кина, тамошните болници идентификуваа модел на симптоми кај пациенти со COVID-19.

1 ДЕН – Се појавуваат благи симптоми. Пациентите обично имаат треска, проследена со кашлица. Мал дел од нив можеби имале дијареја или гадење еден или два дена претходно, што може да биде знак на посериозна инфекција.

3 ДЕН – Толку време во просек било потребно пред пациентите во Венжу да бидат примени во болница по појавата на симптомите. Студијата на 550 болници ширум Кина исто така покажала дека хоспитализираните пациенти развиле пневмонија на третиот ден од болеста.

И луѓето кои се разболеле, а никогаш не биле хоспитализирани може да имаат долготрајни симптоми на COVID-19

5 ДЕН – Кај потешките случаи, симптомите би можеле да се влошат. Пациентите може да имаат потешкотии со дишењето, особено ако се постари или имаат постоечка здравствена состојба.

7 ДЕН – Толку време било потребно во просек пред голем дел од пациентите во Вухан да бидат примени во болница по појавата на симптомите. Други пациенти во Вухан чувствувале недостаток на здив на овој ден.

8 ДЕН – До овој ден, кај потешките случаи се развива пневмонија, отежнато дишење или акутен респираторен дистрес синдром (ARDS), болест што може да бара интубација. ARDS е честопати фатален.

9 ДЕН – Некои пациенти од Вухан на овој ден развиле сепса, инфекција предизвикана од агресивниот имунолошки одговор.

10 и 11 ДЕН – Ако симптомите се влошиле, пациентот во овој момент ќе биде примен на одделот за интензивна нега. Кај овие пациенти, абдоминалната болка и губењето на апетит се поизразени отколку кај полесните случаи.

12 ДЕН – Едно истражување од Вухан покажало дека во просек се потребни 12 дена за едно лице да биде примено во единица за интензивна нега. Оздравените пациенти можат да видат како им се повлекува температурата после 12 дена.

16 ДЕН – Според студијата во Вухан, пациентите можат да видат како кашлањето се повлекува на овој ден.

Истражување од Вухан покажало дека во просек се потребни 12 дена за едно лице да биде примено во единица за интензивна нега

17 до 21 ДЕН – Пациентите во Вухан или се опоравиле од вирусот и биле отпуштени од болницата или починале по 2,5 до 3 недели.

19 ДЕН – Според податоците од Вухан, пациентите на овој ден може да видат како исчезнува проблемот со недостаток на здив.

27 ДЕН – Некои пациенти остануваат подолго во болницата. Просечниот престој на пациентите од Венжу бил 27 дена.

Но, само затоа што пациентот ја напуштил болницата не значи дека неговата борба со COVID-19 е завршена. Имено, некои луѓе кои го надминале COVID-19 велат дека имаат симптоми на коронавирус со месеци, вклучувајќи болка во градите, отежнато дишење, гадење, срцеви палпитации и губење на вкус и мирис.

И луѓето кои се разболеле, а никогаш не биле хоспитализирани може да имаат долготрајни симптоми.