Митовите се шират брзо како оган, лекарите ја откриваат вистината: Вакцината против Ковид-19 не предизвикува неплодност ниту доведува до спонтан абортус

Ширењето на медицинските митови и дезинформациите не е нов феномен. Всушност, тоа е постојан проблем во ерата на социјалните медиуми

Митови и лажни приказни за вакцините против Ковид-19 немилосрдно се шират на Фејсбук групи за родители

На социјалните мрежи се споделуваат митови за вакцините против коронавирус, почнувајќи од оној кој вели дека вакцината предизвикува неплодност, што секако е неточно. Ова се најчестите митови, кои за вас ги разјаснуваат лекарите.

Заштитата од 95 проценти дава до знаење дека за исто толку се намалени шансите да се случи потешка форма на болеста. Оние кои ќе примат вакцина и понатаму можат да се заразат, но сериозноста на симптомите ќе биде многу помала

Мит: Вакцината е направена пребрзо за да може да се тврди дека е безбедна

Често се слушаат коментари од типот дека лицето кое се вакцинирало дозволило да стане експеримент. Но, според епидемиологот д-р Василеиос Маргаритис, тоа е далеку од вистината, па објаснува дека е вистина дека вакцината е откриена за кратко време и дека тоа е голем успех на науката. Тој објасни дека технологијата што стои зад овие вакцини постои веќе подолго време, така што оваа вакцина е развиена само поради изминатите напори на науката.

„Сите лабораториски и клинички истражувања се направени според најстроги правила без да се загрози безбедноста“, додаде тој. И сега се прават постојани проверки на процесот на вакцинација за да се осигура безбедноста на луѓето.

Луѓето се збунети во врска со информациите за тоа што е mRNA вакцина и како таа делува на организмот. Тие се даваат во раката и ги учат клетките како да направат протеин на новиот коронавирус

Мит: Вакцината предизвикува неплодност

Епидемиологот и експерт за јавно здравје д-р Елизабет Беатриз смета дека како оган се шират потполно погрешни информации за вакцината. Таа додава дека неколку жени кои биле вклучени во испитување на делувањето на вакцината по приемот, кратко откако ја примиле – забремениле.

Мит: Многу луѓе веќе умреле од последиците од вакцината

Маргаритис објасни дека ова е популарен мит од само една причина, а тоа е дека секој може да пријави проблеми со вакцината и дека податоците се анализираат, но тоа не мора да значи дека вакцината ги предизвикува тие проблеми. Без научен контекст и разбирање на позадината, информациите лесно се толкуваат погрешно. Таа додава дека во ситуација кога толку многу луѓе се вакцинираат, некои веројатно и ќе умрат, но тоа не мора да биде директно поврзано со вакцината.

Она што е сигурно е дека голем број луѓе ширум светот ги загубија своите животи поради самата болест, па затоа и самата инфекција е многу поопасна.

Многу жени биле вакцинирани за време на бременоста и родиле здрави деца, а тука спаѓаат и жени кои присуствувале на клиничко испитување и кои останале бремени после тоа

Мит: Ако се вакцинирате додека сте бремени, можно е да доживеете спонтан абортус

Овој мит е неточен исто како и митот за неплодност.

„Многу жени беа вакцинирани за време на бременоста и родија здрави деца, а тука спаѓаат и жени кои присуствуваа на клиничко испитување и кои останаа бремени после тоа“, додаде Беатриз.

Мит: Вакцината дури и не штити од болеста

Треба да знаеме дека постојат различни начини на функционирање на вакцината, како што е способноста да ја спречи инфекцијата и да превенира тешки симптоми и сериозна форма на болеста, објасни Маргаритис. Во случај на вакцините против актуелната болест, направени се за да ја спречат болеста и сериозните последици.

Според резултатите од студијата, заштитата од 95 проценти дава до знаење дека за исто толку се намалени шансите да се случи потешка форма на болеста. Оние кои ќе примат вакцина и понатаму можат да се заразат, но сериозноста на симптомите ќе биде многу помала.

mRNA од вакцината не оди до сржта на клетката каде што се наоѓа ДНК

Мит: Вакцината ќе влијае на ДНК

Се чини дека луѓето се збунети во врска со информациите за тоа што е mRNA вакцина и како таа делува на организмот. Тие се даваат во раката и ги учат клетките како да направат протеин на новиот коронавирус. Тогаш ќе се појави имунолошки одговор и ако вирусот влезе во телото, имунолошкиот систем веќе ќе биде добро обучен и ќе знае како да го нападне вирусот. Иако mRNA природно се произведува во организмот, mRNA од вакцината не оди до сржта на клетката каде што се наоѓа ДНК.

Со други зборови, вашата ДНК е безбедна, а кој и да каже поинаку, тој не разбира како се дизајнирани вакцините и како делуваат, пишува „Healthline“.