НА ДЕЦАТА СМЕЕ ДА ИМ СЕ ДАВА САМО 2 ЛАЖИЦИ ШЕЌЕР ДНЕВНО: Овие се новите насоки за здравјето на децата помали од 2 години

Науката смета дека шеќерот треба да чини помалку од 10 проценти од дневните калории.

Според податоците од стручни лица, децата помали од две години не треба да јадат шеќер. За бебињата, единствена исхрана што се препорачува е мајчиното млеко, ако е можно, во првите шест месеци од животот.

Науката смета дека шеќерот треба да чини помалку од 10 проценти од дневните калории. Шеќерите кои природно се наоѓаат во намирниците, како овошје, млеко и слично не се вклучени во овие насоки. За просечно дете од 2 ии 3 години, на кое му се потребни околу 1000 калории дневно, значи не повеќе од 100 калории шеќер дневно. Ова е всушност, нешто повеќе од 2 лажици или 24 грама.

Исхрана без шеќер за деца под 2 години

Премногу додаден шеќер во детската исхрана е поврзан со обезност и зголемен ризик од идни здравствени проблеми, како што се дијабетес и срцеви заболувања.

Додадените шеќери вообичаено се наоѓаат во слатките напивки, десертите, слатките грицки и гранолите. Но, се наоѓа скриен и во супите и сосовите, дури и во кечапот. Затоа е добро да ги читатате декларациите на производите. Додадените шеќери имаат различни називи како шеќер од трска, пченкарен сируп, декстроза, фруктоза, глукоза, лактоза, високо фруктозен пченкарен сируп, малтоза, мелаза, сиров шеќер, сахароза.

Бремените жени и доилки исто така имаат некои нови насоки: јадете 300 гр морска храна неделно, но со помала количина жива. Консумирањето риба е добро за развојот на мозокот на вашето бебе. Иако некои бремени жени не јадат риба поради загриженост за живата, постојат многу вкусни и безбедни опции со морска храна со помала колчина на жива.