Терминот „виолетов плач“ го осмислил педијатарот Роналд Бар. Во прашање е експерт кој има спроведено бројни студии за плачење на бебињата. Тој забележал дека постои фаза во развојот на бебето каде што бебето плаче речиси хистерично и неутешно. Секој обид на родителите да го смират детето завршува со неуспех. Ова плачење може да трае непрекинато, дури и пет часа, а потоа престанува само по себе. Во оваа фаза, многу родители се многу загрижени за здравјето на бебето и обесхрабрени поради нивната неможност да му помогнат на новороденчето.
Постојат неколку знаци кои укажуваат дека периодот на „виолетово плачење“ започнал. Јасно е дека незапирливото плачење е еден од најјасните знаци.
Фазата на виолетов плач почнува околу втората недела од животот на бебето и трае до третиот или четвртиот месец од животот на бебето. Иако плачењето е сосема очекувано однесување на бебето, особено во овој ран период, некои бебиња се едноставно неутешни.
Плачењето секогаш започнува приближно во исто време од денот. Додека, на пример, наутро е расположено, јаде и спие нормално, навечер доживува напад на плачење кој може да трае и до пет часа.
Самото име на овој поим потекнува од бојата на лицето на бебето, кое поради плачење станува интензивно виолетова.
Не треба да го изгубите од вид фактот дека плачењето може да биде и сигнал кој ви кажува дека бебето, на пример, има болки, па дефинитивно се препорачува да го однесете кај специјалист.
Стручњаците објаснуваат што значат почетните букви на зборот PURPLE:
- P (peak of crying) – Врз на плачењето се случува за време на вториот месец, а потоа се намалува околу третиот до петиот месец
- U (unexpected) – Плачот е неочекуван и непредвидлив
- R (resist soothing) – Дури и по смирување на бебето, тоа продолжува да плаче
- P (pain like face) – Во “виолетовата“ фаза детето може да изгледа како нешто да го боли
- L (long lasting) –Епизодите на плачење може да траат од 30 до 40 минути, без престан и да се повторат и по неколку часа.
- E (evening) – Плачењето во вечерните или доцните попладневни часови може да ви се чини најдолго.
