♦♦♦♦♦♦♦
Лекарите уште од пролетта предупредуваат дека со доаѓањето на сезоната на грип и други респираторни инфекции ќе дојде до пораст на инфекциите со коронавирус. Но, научниците од Белгија, Италија, Норвешка и Шпанија конечно можат со сигурност да кажат колку сезоната на грип и настинки студ ќе влијае на ширењето на коронавирусот.
Тие направиле математички модел заснован на ширењето на коронавирусот во текот на пролетта и дошле до податоци дека во сезоната на грип и настинки, ризикот од инфекција со коронавирус може да се зголеми за 2,5 пати. Научниците не се сигурни зошто ризикот од инфекција се зголемува за време на сезоната на грип. Некои веруваат дека луѓето кои неодамна го преболеле грипот имаат поголем ризик да заболат од COVID-19, додека кај луѓето кои се вакцинирани против грип има помал ризик од развој на болеста.
Научниците од институтот „Макс Планк“ во Берлин истакнуваат дека вакцинацијата против грип годинава може да го намали и ризикот од инфекција со коронавирус. Тие потсетуваат дека во Италија е забележано дека во областите каде што имало повеќе вакцинирани против грип, биле евидентирани помалку смртни случаи од COVID-19.
Како и да е, научниците напоменуваат дека ова не значи дека вакцината против грип влијае на ширењето на COVID-19, но советуваат луѓето да се вакцинираат против грип за да се намали ризикот од „двојно заболување“ и дополнителни компликации
„Нашите резултати покажуваат дека инфекцијата со грип го зголемила преносот на вирусот SARS-CoV-2 и го поттикнало ширењето за време на раната епидемија на COVID-19 во Европа. Затоа, можеби е потребно да се повика на пошироко вакцинирање против грип, не само за да се намали бројот на хоспитализации поради грип, туку и да се ограничи преносот на вирусот SARS-CoV-2 и смртноста од COVID-19“, истакнуваат научниците во нивниот труд објавен на medRxiv.org.
Здравствените власти на САД веќе ги повикаа своите граѓани да се вакцинираат против грип за да се намали ризикот од понатамошно ширење на коронавирусот.
