Веројатно ви е познато она чувство кога вашето бебе ќе се разбуди пред „црни зори“, а вие си велите: „Зарем веќе?!“ И потоа цел ден шетате наоколу како зомби… Ако ова ви се случува редовно, постои можност да правите една клучна грешка, барем така вели Сали Вудс, експертка за детски сон.
Сали, педијатриска медицинска сестра и консултант за спиење, открила дека многу бебиња се будат во 5:30 часот затоа што родителите несвесно ги поттикнуваат на тоа. Но, за среќа, постои начин да го спречите ова и да се изборите за толку потребниот сон.
Ако вашето бебе редовно се буди во 5:30, Сали вели дека не можете да очекувате веднаш да почне да спие подолго. Наместо тоа, советува постепено поместување на утринските рутини кои го сигнализираат почетокот на денот – како што се хранењето, светлината и социјалната интеракција
Сали објасни на ТикТок дека будењето во 5:30 часот не треба да се смета како почеток на денот, туку како ноќно будење. „Ова важи за сите предвремени будења – третирајте ги како бебето да се разбудило среде ноќ“, вели таа.
Зошто е ова важно? Затоа што бебињата кои се будат премногу рано често го надополнуваат недостатокот на сон со првата утринска дремка, која трае предолго и потоа целиот циклус се повторува од ден на ден.
Како да го прекинете овој маѓепсан круг?
Ако вашето бебе редовно се буди во 5:30, Сали вели дека не можете да очекувате веднаш да почне да спие подолго. Наместо тоа, советува постепено поместување на утринските рутини кои го сигнализираат почетокот на денот – како што се хранењето, светлината и социјалната интеракција.
Исто така, ако вашето бебе е доволно старо, Сали препорачува да не практикувате кратка дремка за да го задржите бебето будно до правата дремка, туку да се обидете да издржите до првиот вистински сон, кој обично е околу 9:15-9:30 часот.
Ако секое утро се претвора во трка со времето, испробајте ги овие трикови и можеби конечно ќе отспиете малку повеќе. Наспан родител – среќен родител!
