Истражувањето спроведено во медицинскиот центар „Cedars-Sinai“ во Лос Анџелес покажува дека 56% од луѓето заразени со омикрон варијантата на коронавирус имале толку благи симптоми што не биле ни свесни за инфекцијата.
Некои претходни студии покажале дека до 80% од заразените со омикрон не знаеле дека имаат коронавирус, пишува стручното списание „JAMA Network Open“.
Новите наоди се засноваат на анализа на примероци од крв од здравствените работници собрани во текот на 2021 година. Околу 2.500 учесници во истражувањето ги дале своите примероци по појавата на омикрон варијантата на коронавирусот.
Истражувачите додаваат дека околу 10% од испитаниците кои не знаеле дека се заразени со омикрон ги припишале своите симптоми на настинка.
