Од денеска до четврток, ќе биде отворен сајтот vakcinacija.mk за закажување на термини за вакцинација на децата. Секој родител или стрател кој сака да се вакцинира неговото дете ќе треба да го пријави на веб-страницата, по што ќе добијат термин за вакцинација. Вакцинирањето ќе почне во петок, информираат од Министерството за здравство.
Родителите или старателите ќе може да ги регистрираат децата и од петок ќе започне апликацијата на вакцините
Закажување на термин за вакцинација на децата е поради планирање на потребните количини вакцини „Фајзер“. Една вијала со која може да се вакцинираат шест лица, откако ќе се раствори истата во одредено време треба да се потроши. Со закажување термини и утврден точен број на вакцини, ќе се исклучи можноста да се фрлаат вакцини – истакна министерот за здравство д-р Венко Филипче.
