Неодамна беше објавена тажна вест дека осумгодишно момче од Даблин починало поради вдишување хелиум од балон. Се покажало дека детето починало од последица на недостаток на кислород во мозокот поради срцевиот застој што бил предизвикан со вдишувањето хелиум од делумно надуван балон.
Оттука прашањето што ги загрижува многу родители – колку всушност се опасни балоните со хелиум.
И на децата и на возрасните често им е интересно и симпатично да вдишат малку хелиум од балон што е наполнет со овој гас, бидејќи тоа го менува гласот, па во моментот звучиме како некој лик од цраните флимови. Но, што тој глас всушност му прави на нашето тело и колку родителите треба да се загрижени?
Имено, вдишувањето хелиум може да биде опасно, па и смртонсоно. Постојат бројни извештаи за тешки повреди, дури и за смртни исходи предизивикано од вдишување хелиум.
Кога вдишуваме хелиум, тој го истиснува кислородот. Тоа значи дека, додека го вдишувате, вашето тело добива само хелиум. А, кога нема да добиеме доволно неопходен кислород, се изложуваме на ризик.
Сепак, ако еднаш вдишеме хелиум од балон, најчесто последица е само менување на гласот. Меѓутоа, тоа може да предизвика и помала вртоглавица. Притоа, секогаш постои ризик од други несакани ефекти, како што се мачнина и паѓање во несвест.
Видшувањето хелиум од балон веројатно нема да предизвика големи здравствени проблеми, но за жал како што гледаме, повремено стигаат вести дека некој страдал токму од гушење по вдишување на хелиум од балон.
Ако сте вдишале малку хелиум од балон и се чувствувате благо конфузно и имате слаба вртоглавица, сето тоа веројатно набрзо ќе помине. Но, ако детето или вие или некој во ваша близина има сериозни симптоми, треба итно да се однесе на лекар. Тоа се низок крвен притисок, тешкотии со дишењето, неправилна работа на срцето, замаглен вид, болка во градите, слабост или парализа на екстремитетите, сини усни или кожа (цијаноза), искашлување крв, напади и губење на свеста.
Затоа, секогаш кога ќе помислите да му дадете на детето да вдише хелиум од балон, или вие сакате да му направите забавен момент, не заборавајте дека тоа може да биде опасно, а не само забавно. Особено треба да избегнувате хелиум ако имате белодробни или срцеви заболувања.
На децата не треба да им се дозволува да вдишуваат хелиум од балони. Не само што се поподложни на лоша реакција, туку се и повеќе склони кон гушење, а дури и неколку секунди без кислород може да има сериозни последици.
