Нови истражувања во Универзитетот Рочестер сугерираат дека започнувањето на првиот час пред 8:30 часот го зголемува ризикот од депресија и анксиозност кај децата.
„Прераното започнување на првиот час создава притисок кај децата дали доволно ќе се наспијат, па го зголемува ризикот од многу ментални заболувања„ вели д-р Џек Пелт, водич на студијата.
Според оваа студија, доцното почнување на училишниот час, заедно со подобрување на квалитетот на сонот, може да биде добитна комбинација, како за здравјето, така и за продуктивноста кај децата.
Во истражувањето учествувале 197 ученици на возраст од 14 до 17 години. Испитаниците одговарале на прашања, а резултатите покажале дека оние ученици кои имаат лоши навики кога спиењето е во прашање, имаат симптоми на депресија и ансиозност.
За доволно часови сон, учениците треба да стекнат рутина за легнување секој ден во исто време, а пред спиење не треба да користат мобилни телефони ниту да гледаат телевизија.
