Ова се намирници кои најчесто им ги даваме на децата – проверете дали се здрави

Иако на пакувањата стои дека со богати со витамини и дека се произведени од свежи производи, некои намирници не се соодветни за исхраната на децата.

Уверени во поинаку, неретко на децата им даваме штетна храна, уверени дека им користи, тврдат експертите. Поради големата количина на шеќери, на листата на штетни намирници, први се нашле детските омилени сокови.

Иако нивната шарена амбалажа изгледа примамливо и најчесто на неа се наведува дека сокот што се наоѓа внатре е свежо цеден и многу здрав, тоа и не е баш така, ценат стручњаците. При нивно производство, овошјето минува низ разни процеси со кои се губи изворниот вкус, па за враќање на вкусот се додаваат разни состојки, но и шеќери. Иако оние свежо цедените понекогаш и ќе задржат некои нутриенти, повеќето од тие исти нутриенти ќе бидат занемарливи токму поради разните додатоци.

Наместо сокови, на детето подобро дајте му свежо овошје и шача вода, и на тој начин ќе му ги обезбедите сите потребни нутриенти, па и влакна од овошјето, кои со преработката во сок се губат.

Брз и едноставен појадок во вид на пченкарни снегулки не е добар избор за детската исхрана.

Освен што се богати со шеќер, пченкарните снегулки содржат и многу штетни адитиви. Иако на пакувањето на таквите снегулки се наведуваат неколку витамини, вистината е дека се додадени процесуирани витамини, а не природни. Подобар избор е овесна каша во која може да се додаде различно овошје.

Тестенини со сирење или други додатоци од ќеса, не се добар избор за децата.

Пилешки медаљони

Пилешките медаљони, пилешките прсти на децата се фаворит, но тие всушност се многу штетни за нив. Иако производителите тврдат дека се произведени од цело пилешко месо, тоа на крајот не е случај. Од друга страна, подготовката на пилешката медаљони се прави во штетни масла. Но, децата може да уживаат во нив, ако ги подготвите сами, на многу поздрав начин. Парче пилешко месо, натопете го во јајце, а потоа извалкајте го во лебни трошки и вашите медаљони се готови.

Готова храна

Инстант храна, како што се тестенините со сирење содржи хемикалии кои се мешаат со нормалната работа на хормоните, а содржат и многу калории, а малку нутриенти.