Одржувањето на здрава исхрана за време на бременоста е важно за благосостојбата на мајката и развојот на детето. Постојат бројни хранливи намирници во кои се препорачува да се ужива во овој период, но и оние кои не се препорачуваат за редовно консумирање. Најдобро би било целосно да ги избегнувате или што помалку да ги консумирате.
Сурови јајца
Консумирањето сурови јајца може да предизвика симптоми како треска, гадење, повраќање и дијареа. Кај трудниците, инфекцијата со салмонела може да доведе до сериозни компликации, па затоа се препорачува да се избегнува храна која содржи недоволно обработени јајца, како што е домашен мајонез или сурово тесто, пренесува The Health Site.
Недоволно варена или сурова риба
Суровата риба и морски плодови може да бидат ризични за бремените жени. Јадењето недоволно зготвена или сурова риба за време на бременоста може да доведе до инфекции кои можат да предизвикаат сериозни здравствени компликации за мајката и бебето. Препорачливо е да избегнувате сурова риба и да се одлучите за варена риба за да го намалите ризикот од болести предизвикани од храна.
Неизмиено овошје и зеленчук
Неизмиеното или неизлупеното овошје и зеленчук може да содржи бактерии, паразити или земја, како резултат на тоа што многу луѓе ја фаќаат и пипкаат храната во продавница. Решението за овој проблем е темелно миење на овошјето и зеленчукот пред консумирање.
Риба со висока содржина на жива
Храната богата со жива може да биде многу штетна за време на бременоста. Одредени видови риби содржат високо ниво на жива, што претставува ризик за мајката и детето. Рибите како сабјарка, скуша, ајкула и одредени видови туна треба да се избегнуваат за време на бременоста, пренесува The Health Site.
Недоволно варено или сурово месо
Слично на суровата риба, трудниците треба да го намалт консумирањето на недоволно варено или сурово месо поради ризикот од штетни бактерии и паразити. Бактериите од недоволно варено месо можат да бидат штетни за мајката и детето, па бремените жени треба да се погрижат месото да биде добро сварено за да се избегне ризикот од болест.
