Инфекциите на ушите се чести кај децата, но тие исто така погодуваат и 20 проценти од возрасните. Инфекциите на уши се многу непријатни и токму затоа треба да знаете веднаш да ги препознаете и да почнете да ги лекувате што е можно поскоро. Подолу се наведени најчестите симптоми на инфекција на увото, но како потсетување, за секој здравствен проблем треба да се консултирате со лекар.
Чешање
Инфекцијата на увото може да започне со благо чешање на внатрешниот канал. Чешањето може да стане посилно ако инфекцијата не се лекува.
Црвенило во внатрешната и надворешната страна на увото
Почетокот на инфекцијата на увото ќе биде сигнализиран и со мало црвенило во внатрешноста на ушниот канал. Како што инфекцијата напредува, црвенилото може да стане видливо и на надворешната страна на увото.
Во случај на инфекција на увото, од него може да почне да истекува течност без мирис
Болка
На почетокот може да почувствувате болка во увото, особено по повлекување на ушната школка. По некое време, може да се чувствувате како увото да ви е полно со нешто. Во потешки случаи, болката се пренесува на лицето, вратот или главата.
Течност без мирис
Во случај на инфекција на увото, од него може да почне да истекува течност без мирис.
Придушен слух или ѕвонење
Овој симптом може да не се појави во случаи на благо воспаление, но е присутен кај посериозни. Можеби ќе почувствувате дека не слушате толку добро како порано или дека постојано ви ѕвони во увото.
Отечени лимфни јазли на вратот
Ако инфекцијата не се лекува, може да предизвика видливо отекување на лимфните јазли. Ова може да предизвика треска бидејќи целиот ушен канал е веројатно комплетно блокиран.
Како да спречите инфекции на увото?
За почеток, не користете стапчиња за чистење на ушите бидејќи тие можат да го бутнат ушниот восок подлабоко во увото. Кога пливате, користете капа или чепчиња за уши. Откако ќе ја измиете косата, секогаш навалувајте ја главата лево-десно за да излезе целата вода од вашите уши. Ушите можете да ги исушите и со фен, само погрижете се тој да е поставен на најниска температура и најниска моќност, пренесува „Bright Side“.
