Покачената температура кај детето не е секогаш знак за тревога, но доколку е придружена со други симптоми, можеби е знак за итна посета на лекар, објаснува медицинската сестра Ники Јуркуц во најновото видео кое го објави на својот Инстаграм профил Tiny Hearts Education.
Родителите на деца помлади од три месеци кои имаат температура веднаш да се јават на лекар, без разлика дали постојат други симптоми или не
Како што објаснува во својот пост, доколку детето има температура над 38 степени заедно со овие симптоми, неопходно е да се однесе на лекар што е можно поскоро. Тие симптоми се следниве:
- повраќање и дијареја,
- главоболка и вкочанет врат,
- епилептичен напад,
- осип.
Како што објаснува Јуркуц, повраќањето или дијарејата може да бидат знак за вирусен гастроентеритис, главоболката и вкочанетиот врат може да укажуваат на менингитис, додека осипот на кожата што никогаш претходно не се појавил често може да биде знак за мали сипаници или менингокок.
Исто така, медицинската сестра нагласува дека најдобро е родителите на деца помлади од три месеци кои имаат температура веднаш да се јават на лекар, без разлика дали постојат други симптоми или не.
