Да се сподели чинија со соврешно подготвено и сервирано јадење на социјалните мрежи не е исто што и споделување на фотографија од првата насмевка на своето бебе. Пред родителството, социјалните мрежи служеа за објавување се и сешто, но со доаѓањето на бебе, родителите треба добро да размислат во која мера сакаат да ја споделуваат својата и приватноста на бебето он-лајн.
- Внимавајте чии совети слушате
Размислете за безбедносните поставки на социјалните мрежи ако планирате да објавувате слики од вашето дете. Можете да изберете опција само одреден број следбеници да можат да видат некои фотографии. Освен тоа, размислете за луѓето кои ве следат. Има ли меѓу нив ваши познаници или пријатели кои се борат со неплодност и тагуваат по дете кое не може да го имаат? Можеби вашата содржина може да им додаде сол на раната.
Како нов родител, веројатно ќе доживеете периоди на поголема загриженост и преплавеност со различни емоции, а социјалните мрежи ќе изгледаат како одличен извор на помош. Бидете внимателни и критички пристапувајте кон сите совети, а за сите најважни прашања поврзани со воспитувањето, обратете се кај проверени експерти.
- Мудро користете ги социјалните мрежи
Внимавајте што споделувате на социјалните мрежи и дали одите во крајности. Фотографиите од бебето како врши нужда, видео од секоја насмевка, гугање, движење и фалење за успесите на бебето, може на други родители да им изгледаат како да сте опседнати со детето и дека имате преголема потреба да се фалите за се и сешто.
Избегнувајте да објавувате разголени фотографии од вашите бебиња, без разлика колку ви се слатки, како и останати ситуации кои на децата за десет години може да им бидат крајно непријатни . Со секоја ваша објава, оставате дигитален отпечаток кој лесно може да се следи.
Младите родители на социјалните мрежи мое да ја пронајдат својата заедница и поддршка од други родители, може да дојдат до корисни информации и да се инспирираат од интересни луѓе ширум светот. Но, важно е да се остане свесен дека раното родителство, а особено првите месеци, се исклучително чувствителен период во кој навидум совршените животи од социјалните мрежи можат да создадат уште поголема фрустрација и чувство на недоволност.
