Повеќе од половина од луѓето кои биле позитивни на Ковид-19 во Велика Британија немале симптоми, соопшти денеска Заводот за национална статистика (ОНС).
„Во март 2021 година, 47% од луѓето со позитивен тест на коронавирус во Велика Британија пријавија симптоми и 53% не пријавија никакви симптоми“, објавија од ОНС.
Ако сте заразени, но не се чувствувате болни, сепак може да ги разболите другите
Но, како се чувствувале другите? Замор, главоболка и кашлица биле меѓу најчесто пријавените симптоми кај луѓето кои имале позитивен тест на Ковид-19. Гадење, болки во стомакот и дијареја биле меѓу поретко пријавените симптоми.
„Асимптоматски“ е термин за лице кое е заразено, но нема симптоми. Инфицирани со Ковид-19, асимптоматските лица сè уште можат лесно да ги заразат другите без да знаат за тоа. Значи, ако сте заразени, но не се чувствувате болни, сепак може да ги разболите другите, пренесува „Си-Ен-Ен“.
