ПОВРАЌАЊЕ КАЈ БЕБЕ: Паника од КОВИД-19 или вироза?

Иако неодамна британските научници ги ставија повраќањето, проливот и грчевите во стомак на списокот на нови симптоми на КОВИД-19 кај децата, факт е дека малите бебиња често повраќаат и дека во поголем број од случаевите не е потребно да се создава паника.

Првата причина секогаш е, секако, сомнеж за вироза. Иако цревните вирози се составен дел од растењето – нема дете кое ги немало – во време на пандемија со коронавирус, секој и најмал знак на болест, предизвикува паника. Што ако детето има КОВИД-19? Но, не паничете, постојат болести и пред коронавирусот. Вистина, неодамна британските научници ги ставија повраќањето, проливот и грчевите во стомак на списокот на нови симптоми на коронавирусот кај децата. Сепак, факт е дека малите бебиња често повраќаат: некогаш навистина се работи за вироза, но почесто се работи за прејадување кај бебињата и исфрлање на вишокот.

Ова се 5 најчести причини зошто бебињата повраќаат:

  • ЛОША ТЕХНИКА НА ДОЕЊЕ

Постои можност да поради лоша техника на доење, детето да се наголта воздух. Тогаш има проширен растегнат желудник кој се ослободува со повраќање. И доенче кое се храни со шише може да проголта премногу воздух ако отворот на цуцлата е преголем

  • ПОВРАЌАЊЕ ВО МЛАЗ  

Што се однесува до болести, повраќањето првенствено се јавува кај пилороспазам или пилоростеноза. Тоа повраќање е типично, бидејќи детето повраќа во млаз, во форма на лак: повратената содржина е далеку од детето. Тоа е разлика од бљуцкањето кај кое повратената содржина е секогаш во близина на лицето на детето. Пилорус е мускулен прстен кој е сместен помеѓу желудникот и влезот во дванаесетпалачното црево. Тој има цел правилно да ја насочи храната која влегува во желудникот и која понатаму мора да помине низ цревата. При оваа состојба, детето нема зголемена температура, но не добива на тежина, туку дури може и да ја губи.

  • НАГЛО ПОВРАЌАЊЕ И ЛОША СОСТОЈБА НА ДЕТЕТО

Нагло настаното и постојано повраќање со ненадејна општа лоша состојба на детето, нагло зголемување на температурата или со напната или испакната голема фонтанела се знаци на воспаление на  мозочните обвивки. Таквата состојба бара итна хоспитализација.

  • ЕЛЕКТРОЛИТЕН ДИСБАЛАНС

Ако детето доживее електролитен дисбаланс поради фебрилитет (висока температура), дехидрација или инфекција, може да се зголеми нивото на ацетон во крвта. Тоа е исто така една од причините зошто детето повраќа.

  • ИНФЕКЦИИ

Отитис, диспепсија, инфекција со ротавирус или аденовирус кај малите дена може да предизвикаат повраќање.