Експертот за вируси, д-р Ашиш Џа, декан на Факултетот за јавно здравје на Универзитетот Браун, открива што мисли за пандемијата, за сè она што ја придружува и што ни носи иднината.
КОГА МОЖЕМЕ ДА ОЧЕКУВАМЕ КРАЈ НА ПАНДЕМИЈАТА?
Д-р Џа е најмногу загрижен за пополнетоста на болниците и за она што следува поради сезоната на грип што доаѓа, истакнувајќи дека двојно повеќе луѓе ќе се разболат и ќе имаат потреба од хоспитализација, што може да доведе до еден вид крах на системот.
„Мислам дека тоа ќе биде проблем и дека бара многу напор. Повеќе нема да одиме во изолација, но може да се инвестира во превенција. Треба да се внимава на чистиот воздух во домот, тоа може многу да помогне. Исто така, во деловната култура е да се оди на состаноци, а многумина сакаат и понатаму да бидат одговорни работници па се состануваат. Тоа мора да се промени. Некогаш ми беше смешно постојано да ја чистам куќата, но навистина може да биде добра превенција кога станува збор за грипот, не само за Ковид“, вели тој.
ДАЛИ ЌЕ СЕ ПОЈАВИ УШТЕ ПООПАСНА ВАРИЈАНТА?
Многу се мали шансите да се појави варијанта поопасна од делта, а д-р Џа верува дека се работи за можност од 5 проценти за појава на уште позаразен вирус.
Д-р Џа е најмногу загрижен за пополнетоста на болниците и за она што следува поради сезоната на грип што доаѓа, истакнувајќи дека двојно повеќе луѓе ќе се разболат и ќе имаат потреба од хоспитализација, што може да доведе до еден вид крах на системот
„Постојано се споменуваат нови варијанти, неодамна неколку дена се зборуваше само за варијантата Му, потоа за ламбада сојот… Постојат и тоа е важно да се знае, а дека некои ќе ја заменат делта варијантата, во тоа не сум сигурен“, заклучи тој.
ШТО ТРЕБА ДА ЗНАЕМЕ ЗА ТАБЛЕТАТА ПРОТИВ КОВИД-19?
Во моментов е потребно итно одобрение за таблетата што го намалува ризикот од смрт од болеста Ковид-19.
„Сите мислиме дека е добра помош да имаме пилула што ќе ги намали последиците од симптомите. Тоа сигурно ќе биде подостапно средство кое ќе биде лесно за употреба. Иако некои мислат дека вакцинацијата нема да биде потребна ако се користи таблета, тоа не е точно. Треба да се вакцинираме и се надевам дека сите разбираат зошто. Имам постари родители и тие примија дополнителна вакцина, но сепак и понатаму можат да се заразат. И од таа причина би сакал таблетата да ни биде достапна и само да ни треба рецепт од докторот за да ја земеме. Мислам дека тоа е одлично и дека се работи за важна алатка за спречување на сериозни последици“, заклучува д-р Џа.
