Европската комисија пред два дена препорача брзите антигенски тестови за откривање на инфекции со новиот коронавирус да се користат главно кај лица кои покажуваат симптоми бидејќи кај асимптоматските пациенти се помалку сигурни.
“Брзите антигенски тестови би требало да се користат во рок од пет дена од појават ана асимптомите или во рок од седум дена по контакт со лице на кое му потврден КОВИД-19“, се вели во необврзувачките препораки на Европската комисија.
“Што се однесува до можноста за користење на брзите антигенски тестови кај асимптоматските лица, треба да се има предвид дека засега податоците за нивната ефикасност во тој контекст се многу ограничени. Освен тоа, за моментално достапните антигенски тестови, произведувачите не наведуваат дека асимптоматските пациенти се таргет група“ пишува во препораките.
Според експертите, сигурните ПЦР тестови и натаму остануваат златен стандард, но на нивните резултати е потребно да се чека и неколку дена, додека на резултатите од антиугенските тестови се чека помалку од половина час.
Според ЕК, земјите треба да се охрабрат да спроведуваат брзо тестирање со антигенски тестови заедно со ПЦР тестовите, за да се спречи ширењето на вирусот, да се откријат инфицираните, да се ограничи изолацијата и карантинот.
