Вакцината против новиот коронавирус се уште не е достапна, но постои можност една или повеќе од нив да бидат достапни до крајот на оваа или почетокот на идната година. Токму поради тоа што се чека на оваа важна вакцина, добро е да се знаат одредени информации за неа.
ФАКТ: КОВИД-19 ВАКЦИНАТА НЕМА ДА ВЕ ЗАРАЗИ СО ВИРУСОТ
Во моментов во процес е создавањето на неколку видови на вакцина,а целта на секоја од нив е го научи нашиот имун систем како да го препознае вирусот и како да се бори против него.
Понекогаш тој процес може да предизвика симптоми како температура, а тие се нормални и се сигнал дека се јакне имунитетот.
Вообичаено се потребни неколку недели за телото да развие имунитет по вакцинирањето, што значи дека лицето може да се разболи ако се заразило неколку дена пред примање на вакцината. Причината е што вакцината немала доволно време за да обезбеди заштита.
ФАКТ: КОВИД-19 ВАКЦИНАТА НЕМА ДА ПРЕДИЗВИКА ПОЗИТИВЕН РЕЗУЛТАТ НА ВИРУСНИТЕ ТЕСТОВИ
Ако вашето тело развие имунолошки одговор, што е и целта на имунизацијата, постои шанса да бидете позитивни на некои антитела, а тестот за антитела покажува дали сте имале инфекција и дека можеби имате одредено ниво на заштита од вирусот. Стручњаците во моментов набљудуваат како вакцината може да влијае на споменатото тестирање.
ФАКТ: ЛИЦАТА КОИ СЕ РАЗБОЛЕЛЕ МОЖЕ ДА ИМААТ КОРИСТ ОД ВАКЦИНАТА
Поради одредени опасни последици кои КОВИД-19 може да ги остави на здравјето и фактот дека е можна реинфекција, совет е против вирусот да се вакцинират и оние кои ја преболеле болеста.
Во моментов експертите не знаат со сигурност колку долго некој е заштитен од повторна инфекција, откако ќе се опорави од болеста. Може да се развие природен имунитет кој лицето ќе го заштити од инфекција, но тоа варира од лице до лице. Претходни резултати од истражувања ја истакнуваат можноста дека и тој имунитет не мора да трае долго.
Нема да знаеме колку трае имунитетот стекнат по вакцинирањето додека таа не биде достапна и додека не се соберат повеќе податоци. И природниот имунитет и оној предизвикан со вакцината се еднакво важни од аспект на заштита од вирусот, сите информации за нив ќе бидат доспатни кога ќе се знаат.
ФАКТ: ВАКЦИНАЦИЈАТА МОЖЕ ДА СПРЕЧИ БОЛЕСТ
Додека голем процент од лицата кои имале КОВИД-19 доживеале благи симптоми, тие можат да прераснат во сериозни и да доведат дури и до смртен исход. Никој не може да знае како ќе влијае поединецот на вирусот, дури и ако не е во ризична група. Вакцината против коронавирусот SARS-CoV-2 ќе помогне така што ќе поттикне одговор на антителата, без вие да доживеете симптоми на болеста.
