Прим. д-р Соња Петровска: Утврдувањето на причината за хронична кашлица е клучно за ефикасен третман

Да не се користат лекови без рецепт, освен за намалување на температура и олеснувачи на болка, за лекување на кашлица и настинка кај деца помлади од 6 години

Долготрајната кашлица може да биде исцрпувачка: Прим. д-р Соња Петровска, педијатар-пулмоалерголог
ПИШУВА:
Прим. д-р Соња Петровска
педијатар-пулмоалерголог

♦♦♦♦♦♦♦

ХРОНИЧНА КАШЛИЦА (3)

Хронична кашлица е кашлица која трае осум недели или подолго кај возрасни, или четири недели кај деца

Третман

Утврдување на причината за хронична кашлица е клучно за ефикасен третман. Во многу случаи, повеќе од една основна причина може да предизвика хронична кашлица.

Лековите што се користат за лекување на хронична кашлица може да вклучуваат:

  • Антихистаминици, кортикостероиди и деконгестиви. Овие лекови се стандарден третман на алергии и сливање на секрет;
  • Инхалаторни лекови за астма. Најефективните третмани за кашлица поврзани со астма се кортикостероиди и бронходилататори, кои го намалуваат воспалението и ги отвораат дишните патишта.
  • Антибиотици. Ако бактериска, габична или микобактериска инфекција предизвикува хронична кашлица, матичниот лекар може да препише лекови за решавање на инфекцијата.
  • Антациди. Во колку не се води правилен режим на исхрана, кај рефлуксната болест, тогаш е неопходна употреба на Н-1 блокатори. На некои луѓе им е потребна операција за решавање на проблемот.

ПРОЧИТАЈТЕ И… Прим. д-р Соња Петровска: Повремена кашлица е нормална, но кашлица што трае со недели обично е резултат на медицински проблем

  • Антитусици

За време додека се утврди причината за кашлицата и се започне лекувањето, матичниот лекар може да препише антитусик за олеснување на симптомите – кај возрасни.

Истражувањата покажуваат дека овие лекови не е докажано дека функционираат подобро отколку плацебо. Уште поважно, овие лекови имаат потенцијално сериозни несакани ефекти, вклучително и фатално предозирање кај деца помлади од 2 години.


Да не се користат лекови без рецепт, освен за намалување на температура и олеснувачи на болка, за лекување на кашлица и настинка кај деца помлади од 6 години. Исто така, треба да се избегнува употреба на овие лекови за деца помлади од 12 години.

Начин на живот и домашни лекови

Да се почитуваат советите дадени од матичниот лекар.

  • Пиење на течности. Течноста помага да се намали густиот секрет во грлото. Топлите течности, како што се супа, чај или сок, можат да го смират грлото.
  • Деконгестив во носот и/или тврди бонбони може да ја олеснат сувата кашлица и да го смират иритираното грло.
  • Лажичка мед може да помогне во омекнување/смирување на кашлицата.
  • Овлажнување на воздухот со употреба на овлажнител за ладна магла или ладен туш во бањата.
  • Да се избегнува чад од тутун. Пушењето или дишењето чад од втора рака ги иритира белите дробови и може да ја влоши кашлицата предизвикана од други фактори.
Дишењето чад од втора рака ги иритира белите дробови и може да ја влоши кашлицата предизвикана од други фактори
Подготовки за преглед кај матичниот лекар

Пред да се посети матичниот лекар треба да се направи список кој вклучува:

        • Детални описи на симптомите
        • Информации за минати болести
        • Информации за медицинските проблеми кај родителите или браќа/сестри
        • Список на сите лекови, вклучително и лекови без рецепт, витамини, хербални препарати и додатоци во исхраната
        • Изложеност на чад од цигари
        • Прашања што сакате да ги поставите на лекарот

Што да очекувате од вашиот лекар

Вашиот лекар може да постави неколку од следниве прашања:

  • Кои се вашите симптоми и кога започнаа? • Дали неодамна сте имале грип или настинка? • Дали некој од вашето семејство пуши? • Дали сте изложени на прашина или хемикалии? • Дали искашлувате нешто? Ако е така, како изгледа? • Дали земате лекови за крвен притисок? Ако е така, кој тип земате? • Кога се јавува кашлица? • Дали нешто ви ја олеснува кашлицата? Кои третмани сте пробале? • Дали имате помалку здив или отежнато дишење при напор? Или на изложеност на ладен воздух? • Која е вашата историја на патување? Подготвување и предвидување на прашања ќе ви помогне да го искористите поголемиот дел од времето со докторот.