Проверете дали знаете правилно да измерите температура кај детето

 Температурата е најниска во раните утрински часови, а највисока во доцните попладневни часови, по оброк и по физичка активност (кога детето е активно, скока, трча).

За нормална телесна температура се смета онаа до 37 степени, која се мери под пазувите, или медицинско кажано аксиларно, односно 37,5 степени ако е мерена во анусот, односно ректално. Температурата може да се измери и орално, со ставање на топломерот во устата. Но, сепак аналното и оралното мерење на температурата не се препорачуваат, бидејќи детето може да го скрши топломерот. Според лекарите, секоја температурата измерена  со повисока вредност од овие е зголемена телесна температура!

И кај здравите деца, во текот на денот, постојат мали варијации над и под овие вредности. Температурата е најниска во раните утрински часови, а највисока во доцните попладневни часови, по оброк и по физичка активност (кога детето е активно, скока, трча).

 

Затоа, телесната температура треба да се мери по завршената активност на детето, кога тоа е во состојба на мирување.

Најчесто  се мери со живин термометар, под пазувите или аксиларно. Пазувата треба да биде сува, а термометарот да не ја допира облеката и да стои пет минути. Освен живините топломери се употребуваат и електронски, дигитални, кои се подеднакво сигурни и ефикасни за децата, но бараат искуство во мерењето, па се добива погрешен резултат или вредност на температурата.