Четиригодишно девојче во југозападниот град Форхајм во Германија е заразено со мајмунски сипаници, соопшти во вторникот германскиот институт за контрола на болести „Роберт Кох“ (РКИ), потврдувајќи го првиот случај на вирусот во земјата кај дете.
Детето, кое живее во домаќинство со две возрасни заразени лица, моментално е асимптоматско. Превентивно било прегледано од лекар и бил земен брис од грло заради воспоставување на дијагноза.
„Според досегашните сознанија, за пренос на патогенот е потребен близок контакт“, велат од РКИ
Детето не било во контакт со никој надвор од неговото домаќинство. Веста доаѓа откако РКИ минатата недела информираше за првите инфекции меѓу тинејџерите на возраст од 15 и 17 години.
За помалку од три месеци откако беше потврден првиот случај на мајмунски сипаници во Германија, во РКИ се пријавени вкупно 2.916 случаи. Речиси сите случаи се мажи, со само седум случаи кај жени.
„Според досегашните сознанија, за пренос на патогенот е потребен близок контакт“, велат од РКИ.
„Преносот се јавува првенствено во контекст на сексуални активности. Колку што е познато, поголемиот дел од пациентите не се разболуваат сериозно“, пишува РКИ.
Светската здравствена организација неодамна соопшти дека само мал број деца се заразени со мајмунски сипаници во моменталната глобална епидемија.
СУСПЕКТЕН СЛУЧАЈ НА МАЈМУНСКИ СИПАНИЦИ ВО МАКЕДОНИЈА: Комисијата за заразни болести со препорака за воведување мерки изолација/карантин и следење на контакти
Комисијата за заразни болести на вчерашниот состанок ја анализираше актуелната состојбата поврзана со појавата на суспектен случај на мајмунски сипаници во земјата. Беше констатирано дека сите надлежни институции се активно вклучени во процесот на епидемилошка анализа, лабораториска потврда и изолација на суспектниот случај, информираат од МЗ. Комисијата за заразни болести препорача воведување мерки изолација/карантин и тоа:
- изолација во домашни или болнички услови на сомнителните случаи за мајмунски сипаници до нивно тестирање;
- изолација на потврдени случаи во домашни или болнички услови до завршување на болеста или зацелување на крастите;
- секојдневно епидемиолошко следење на контакти на потврдени случаи со мајмунски сипаници за време на траење на инкубацискиот период од 21 ден.
КЗБ ја реафирмира препораката до Министерството за здравство да се преземат сите неопходни превентивни мерки.
