Ако детето е немирно, во повеќето случаи цртаниот филм ќе го смири. Ако детето навистина не сака да јаде, често наоѓаме “решение“ во цртаните филмови и хранењето во исто време. Но, оваа форма на “мотивација“ може да биде контрапродуктивна на долг рок и во голема мера да влијае на навиките во исхраната на детето.
Психологот Лаура Маркам смета дека хранењето со гледање во кој било екран може да предизвика сериозни последици.
“Не дозволувајте децата да јадат пред екран бидејќи на тој начин децата не се свесни за храната што ја консумираат и не обрнуваат внимание на сигналите на мозокот дека се сити“, објаснува Маркам и додава дека ова има најголема влијание врз обезноста и доведува до сериозни нарушувања во исхраната.
Истражувањето спроведено во 2018 година открило директна врска помеѓу времето поминато пред екран и нездравото однесување во исхраната кај малите деца. Според споменатата студија, времето поминато пред екран било поврзано со помало консумирање на овошје и зеленчук, а зголемен внес на нездрави грицки, како чипс, бисквити или чоколадо.
