Работи кои децата ги помнат ЗАСЕКОГАШ…

Децата гледаат од мама и тато. И важно е тоа да не го заборавите ни кога сте уморни, ниту кога ви е тешко.

Сеќавањата од детството се извор на сила и сигирност за цел живот. Еве што децата никогаш нема да заборават:

Искуства кои сте ги проживеале заедно

Нема да се сеќаваат на играчките што сте им ги купувале, ниту нови патки поради кои сте влегле во минус, но заедничките искуства, тоа што сте биле на првата приреда во градинка, што по илјада пати сте ја читале истата книга, тоа што сте им пееле кога биле болни, времето “само за вас“ во омиленото кафуле или парк, кога сте зборувале со нив како да се возрасни… Тоа децата го помнат.

Оној пат кога сте го оставиле телефонот

Денес како едноставно да сме заборавиле да уживаме во некои работи. Толку сакаме да зачуваме убави моменти, да многу родители детските родендени го гледаат “низ телефон“, оти цело време снимаат и прават фотографии. Оставете го телефонот… уживајте со децата. Не мора се да биде дигитално забележано. Некои работи се поубави кога “само“ ги помниме. Децата го сакаат вашето неподелено внимание. Кога ќе пораснат тоа ќе им биде поважно од тоа да имаат 1.000 фотографии од првиот роденден.

Убави зборови

Секој пат кога сте кажале “горда сум на тебе“, секој пат кога сте рекле “среќна сум што токму тебе сум те родила“.

Како сте се носеле со тешки ситуации во животот

Децата гледаат од мама и тато. И важно е тоа да не го заборавите ни кога сте уморни, ниту кога ви е тешко. Ниту кога ќе се случи нешто навистина тажно, кога ќе изгубите некого кого го сакате, пријател или член на семејството… Децата помнат како сте зборувале за таа личност. Како сте ги тешеле и правеле се да се чувствуваат сигурно и заштитено.

Секогаш кога не сте биле тука

Ова не е така страшно како што звучи. Децата помнат и моменти во кои им било тешко што не сте биле покрај нив. Кога доживеале некоја неправда во училиште, а не можеле да ви се пожалат, но помнат и колку едвај чекале да дојдат дома и да поделат со вас некој успех. Така растат.

Но,… иако ова има и свои добри страни и дел од созревањето…водете сметка. Немојте секогаш се да ви биде поважно од одењето со детето во парк, или работата секој пат да ви биде поважна од училишната приредба.