РЕЦЕПТ НА ДЕНОТ: Брз детски мафини

Овој рецепт е без шеќер, мафините многу брзо се подготвуваат, а во нивниот вкус може да уживаат и помалите дечиња, кои веќе го поминале својот прв роденден.

Потребно:

  • 100гр брашно
  • ½ лажичка прашок за печиво
  • 1 јајце
  • 1 банана
  • 1 круша
  • 1 лажица маслиново масло
  • Малку цимет
  • 1 супена лажица млеко

Подготовка: Излупете и исечкајте ја крушата на ситни парчиња, а бананата изгмечете ја со вилушка или ставете ја во блендер. Во сад измешајте го маслиново масло и јајцето и мешајте додека смесата не се соедини. Во друг сад измешајте го брашното, прашокот за печиво, циметот и додадете ја исечканата круша. Додадете ја бананата, а потоа и мешавината од маслиново масло и јајце. На крај додадете млеко. Намастете ги калапите за мафини и ставете од смесата. Печете 20 минути, додека колачите не добијат златна боја.