Потребно:
- 3 јајца
- Прстофат сол
- 180 гр шеќер
- 10 гр ванилин шеќер
- 150 мл масло
- 150 мл млеко
- 380 гр брашно
- 10 гр прашок за печиво
- 150 гр џем по избор
Подготовка: Изматете ги јајцата со малку сол. Паралелно, додека матите додадете го шеќерот и ванилиниот шеќер. Кога ќе добиете пенеста смеса, додадете масло и млеко, па продолжете со матење. Во смесата додадете го просеаното брашно и прашок за печиво, па со миксер изматете го тестото. Тавчето за печење обложете го со хартија за печење, а потоа ставете половина од смесата. Печете на 180°C околу 15 минути. Потоа ставете го и остатокот од тестото. Ставете го џемот во кесичка за замрзнување, па одозгора додавајте го во форма на топчиња по целата површина. Печете го колачот со џем на 180°C околу 35 минути. Добар апетит!
