Потребно:
- 200гр бисквити
- 3 пудинга од чоколадо
- 3 пудинга од ванила
- 12 лажици шеќер
- 2л млеко
- 10 големи кроасани (по желба од ванила или чоколадо)
- 3-4 лажици еурокрем
- 300мл слатка павлака
- Млеко за топење
Подготовка: Бисквитите топете ги во млеко и редете ги во тавче ина на послужавник со пречник 25х35 цм. Во сад додадете пудингот од чоколадо, 6 лажици шеќер и малку млеко од еден литар и се заедно измешајте. Остатокот од млекото ставете го да се вари. Кога ќе проврие, тргнете го од оган и додадете ги измешаните состојки и продолжете да го варите пудингот. Штом го тргнете пудингот прелијте го преку бисквитите. Веднаш продолжете да ги редите кроасаните и малку притиснете ги да влезат во пудингот. Истата постапка направете ја и со пудингот од ванила и штом ќе бидете готов прелијте го врз кроасаните. Додека е топол пудингот, веднаш намачкајте го и еурокремот. Оставете го колачот да се олади. Изматете ја слатката павлака и премачкајте ја преку колачот. Ставете го десертот во фрижидер до послужување.
