Потребно:
- 1 морков
- 50гр мелено месо
- 2 лажици доматен сос
- 1 лажица маслиново масло
- 2 шаки интегрални макарони
- Свеж магдонос
Подготовка: Во вода ставете ги макароните да се сварат додека не станат меки. Излупете и ситно изрендајте го морковот. Ставете во тавчето масло, и пржете го заедно месото со изренданиот морков додека месото не добие боја, но со постојано мешање. Кога месото ќе добие боја додадете го доматниот сос (сос домашен без зачини, или пак можете да излупите еден домат и ситно да го исечкате или изрендате). Мешајте неколку пати и додадете 6 лажици вода и се заедно динствувајте неколку минути. На крај додадете свеж магдонос. Макароните исцедете ги и потоа прелијте го сосот врз нив и измешајте се да се соедини. Оладете и послужете му ги на детето.
