Потребно:
- 200гр темно чоколадо
- 100гр шеќер
- 100гр путер
- 4 јајца
- 50гр брашно
- Малку сол
Подготовка: Загрејте ја рерната на 200 степени. Искршете го чоколадото на мали делови и растопете го на пареа. Додадете малку сол за вкусот на чоколадото да биде поинтензивен. Додадете го и путерот. Изматете ги јајцата со шеќерот додека смесата не стане пенаста, бледа и не го удвои волуменот. Додадете го растопеното чоколадо и измешајте. Потоа во смесата додадете го брашното, но пополека. Во намастен калап излијте ја смесата и печете 12-15 минути. По печењето оставете колачот да се олади во калапот, па послужете. Добар апетит!
