РЕЦЕПТ НА ДЕНОТ: Ем здраво ем брзо – Мафини од јаболка и круша

Јаболкото и крушата се класична комбинација, па не е ни чудо што овие мафини изгледаат убаво. Подготовката трае кратко, а децата сигурно ќе ги обожаваат

ПОТРЕБНО Е:

  • 200 мл млеко
  • 2 средни јајца
  • 100 мл масло
  • 100 гр кафеав шеќер
  • 300 гр брашно
  • Чајна лажичка мелен цимет
  • 2 јаболка
  • 2 круши
  • Јаворов сируп (по желба)

НАЧИН НА ПОДГОТОВКА:

Загрејте ја рерната на 200 ° С. Обложете го калапот за мафини со хартиени корпи.

Во еден сад измешајте го брашното и циметот. Во друг сад измешајте ги јајцата, млекото, маслото и шеќерот. Излупете го овошјето, а потоа исечете го на коцки. Додадете го овошјето во брашното, измешајте внимателно, а потоа додадете ја смесата со јајца. Добро промешајте.

Наполнете ги корпите за мафини со тесто, да бидат полни околу две третини и печете ги во рерна околу 25 минути се додека не поруменат. Додека мафините се се уште топли, прелијте ги со јаворовиот сируп со лажица. Оставете ги да се оладат и послужете.