РЕЦЕПТ НА ДЕНОТ: Грчки гулаш од грашок и компир

Грците знаат да направат вистинско летно јадење, кое заситува, а не паѓа тепко на стомакот. Станува збор за гулаш од грашок и компир кој брзо се подготвува, а кој ќе го засака целото семејство штом ќе го проба. Можете да го послужите со парче домашен леб или со некоја сезонска салата.

Потребно:

  • 1 главица кромид
  • 2 чешниња лук
  • 1/4 чаша маслиново масло
  • 450 гр замрзнат грашок
  • 2 компири
  • 450 мл сос од домати
  • 1 чаша вода
  • Малку мелена пиперка
  • 1 лажичка сушен копар
  • 1-2 лажици свежо сечкано нане

Подготовка: Кромидот исечкајте го и пропржете го додека да омекне, а потоа додадете го лукчето и оставете уште минута. Потоа додадете ги сечканите компири, сосот од домати, вода, сол и бибер. Посипете со мелена пипер и измешајте. Кога ќе зоврие, намалете ја температурата и варете уште 15 минути. Потоа додадете го грашокот и варете уште 5 минути. На крајот додадете копар и нане и повторно измешајте. Ова јадење има најдобар вкус кога се остава да отстои најмалку 45 минути. Добар апетит!

ПОВРЗАНИ НАПИСИПОВЕЌЕ ОД АВТОРОТ