Потребно:
За ќофтињата:
- 500гр мелено месо по избор
- 2 јајца со средна големина
- 100гр ориз
- 2 лажици презла
- 1 лажица сув зачин
- 1 виолетов кромид
- 2 чешниња лук
- 1 лажица магдонос
- Мелена слатка пиперка
- Половина чаша вода
- Сол
- Црн пипер
За сосот:
- 500мл пасирани домати
- 50мл масло
- 3-4 лажици брашно
- 1 литар вода
- 1 рамна лажица шеќер
- 1 рамна лажица сув зачин
- Сол
- Црн пипер
Подготовка: Кромидот и лукот исечкајте ги ситно, а сварете го оризот на половина. Во меленото месо додадете го оризот, исечканиот кромид, солта, сувиот зачин, мелениот пипер, биберот, презлата, јајцата и водата. Добро измешајте. Во зејтинот на средна температура пропржете го брашното, кога ќе почне малку да пожолтува, додадете го пасираниот домат и додајте вода. Добро измешајте и варете на средна температура додека не зоврие. Намалете ја топлината, додадете сув зачин, сол, шеќер и малку бибер. Кога ќе ја добиете саканата густина на сосот, оставете го на тивок оган да се свари. Со лажица земајте од смесата и со влажни раце формирајте топчиња и спуштајте ги едно по едно во сосот и варете околу 15 минути на средна температура. Послужете со пире од компири и салата. Добар апетит!
