Потребно:
За кората:
- 7 белки
- 7 лажици шеќер
- 7 лажици брашно
За преливот:
- 200мл жешко млеко
- За филот:
- 7 лажици шеќер
- 3 кесички ванилин шеќер
- 7 жолчки
- 7 лажици брашно
- 700 мл млеко
- 250 гр путер
И:
- 300мл слатка павлака
- 2 лажици шеќер во прав
Подготовка: За филот – шеќерот, ванилиниот шеќер, брашно и жолчки соединете ги. Додадете го млекото и варете додека не се згусне со постојано мешање. Покријте со проѕирна фолија и оставете да се олади. Изматете го путерот, па додадете го во смесата со жолчките и продолжете да матите додека се убаво не се соедини. За кората: Белките кусо изматете ги, па додадете го шеќерот и матете додека не добиете цврст снег. Додадете го просеаното брашно и со шпатула измешајте. Садот со димензии 35х25 намастете го и наросете го со брашно, па ставете ја смесата за кора. Печете 25 минути на 150 степени. Прелијте со жешкото млеко и оставете да се олади. Врз кората ставете го филот, распоредете, па изматете ја слатката павлака со шеќерот во прав и одозгора премачкајте и со оваа смеса. Ставете го колачот во фрижидер да се олади 4-5 часа.
