Потребно:
Мерката за шолја е 250мл
- 2 шолји брашно
- 1 ½ лажичка прашок за печиво
- Малку сол
- 3 јајца
- ¾ шолја шеќер
- 1 ванилин шеќер
- 1 шолја масло
- 1 лажица гриз
- Кора од еден портокал
- Сок од половина портокал
- Малку рум
- 2 големи изренадани моркови
За кремот:
- 80гр мек путер
- 200гр крем сирење
- Малку екстракт од ванила
- ½ шолја шеќер во прав
Подготовка: Брашното измешајте го со прашокот за печиво и солта. Одделно изматете ги јајцата со шеќерот и ванилиниот шеќер. Додадете го и маслото. Кога смесата ќе се изедначи, додадете го брашното и гризот. Потоа додадете ја кората од портокал, сокот од портокал, румот и изренданите моркови. Се заедно убаво измешајте. Со смесата полнете ги калапите или корпите за мафини (до ¾ висина) и печете на 180 степени, 20-25 минути, а потоа оладете ги. За кремот измешајте ги сите наведени состојки и кога убаво ќе се соединат со шприц за украсување нанесете на мафините. Наросете со рендана кора од портокал.
