Потребно:
- Макарони од спелта (количината адаптирајте ја на потребите и возраста на детето)
- 30гр спанаќ
- 15гр грашок
- 30 гр тиквичка
- 30гр брокула
Миксот од зелен зеленчук може да го менувате, во зависност од тоа што се вовеле во исхраната на детето и што најмногу сака да јаде.
Подготовка: Сварете ги тестенините, но без додавање на сол. На зеленчукот што е предложен во рецептот, не му е потребно претходно варење, освен на грашокот, за кој е потребно претходно да се свари не повеќе од 20 минути. Во тавче на малку маслиново масло, издинствувајте го зеленчукот. За помалите деца или оние кои одбиваат да јадат зеленчук, зеленчукот можете да го изблендирате и како сос да го прелиете врз тестенините. За поголемите деца, единствено кога ќе биде готов, зеленчукот измешајте го со веќе сварените тестенини.
