РЕЦЕПТ НА ДЕНОТ: Мини палачинки- новиот омилен десерт на децата

Мини палачинките се нов тренд, а особено ги сакаат децата. За нивна подготовка, ако мислите, не е потребно многу време. Брзо се подготвуваат, многу побрзо од обичните, особено ако користите поголемо тавче. Израдувајте ги децата со овој нов кулинарски хит и уживајте во вкусот на новите палачинки.

Потребно:

  • 1 јајце
  • 25гр стопен путер
  • Малку сол
  • 2 лажици шеќер
  • 200мл млеко
  • 130гр брашно (по избор)
  • 1 мала лажичка прашок за печиво

Подготовка: Во изматеното јајце, додадете го млекото, путерот, шеќерот и солта. Полека додавајте го брашното, се додека не ја добиете саканата густина (треба да бидат малку погусти од обичните палачинки). Додадете го прашокот за печиво. Загрејте го тавчето подмачкано со путер, и на тивок оган печете ги палачинките кои ќе ги сипувате со лажица. Штом забележите меурчиња, свртете ги на другата страба. Додека ги наредите сите палачинки во тавчето, веќе е време да ги свртите. Филувајте ги по избор.

ПОВРЗАНИ НАПИСИПОВЕЌЕ ОД АВТОРОТ