Потребно:
- 500 гр мисиркини гради
- 500 мл павлака за готвење (10% м.м.)
- 1 лажица сенф
- 1 дл вода
- 1 кромид
- 1 чешне лук
- 2 лажички сечкан свеж магдонос
- 1 лажичка сол
- ½ лажичка сув зачин
- Малку црн пипер
- 2 лажици масло
Подготовка: Месото исечкајте го на коцки, зачинете со сол, бибер, сув зачин и сенф. Добро измешајте и оставете да се маринира околу еден час. Во длабока тава загрејте го маслото и на умерен оган динствувајте го ситно сечканиот кромид и лукот додека не стане стаклен. Додадете го мисиркиното месо и динствувајте околу 10 минути, повремено мешајќи. Прелијте со павлаката за готвење и оставете да се готви на средна температура околу 10 минути. Додадете бибер и сол по желба. Додадете го исечканиот магдонос. Послужете со пире од компири или ориз и салата по желба. Добар апетит!
