Потребно:
- 1 бајат леб
- 5-6 лажици ајвар
- 200гр сува сланина
- 100гр колбаси
- 1 кромид
- 1 мала конзерва пченка
- 6 јајца
- 200мл млеко
- 150гр кашкавал
- Сув зачин
- Сол
- Црн пипер
Подготовка: Лебот исечкајте го на тенки парчиња. Со ситно сечкан кромид пропржете ја ситно исечканата сланина. Јајцата и млекото изматете ги со жица за матење, посолете и побиберете. На подмачкан плех или во огноотпорен сад наредете ги кришките леб една до друга, па прелијте со половина од смесата од јајца и млеко, посипете со пржената сланина и кромид, па врз тоа распоредете ги исечканите колбаси и пченката. Од едната страна премачкајте ги со ајвар преостанатите кришки леб и со намачканата страна надолу наредете ги. Прелијте го остатокот од сосот од јајца и млеко. Одозгора наредете го изренданиот кашкавал и ставете да се пече во рерна на 180 степени околу 20 минути додека не добие убава златна кора. Добар апетит!
